Përplasja mazhorancë-opozitë u zhvendos sot në Komisionin parlamentar të Ligjeve.
Shkak u bë vendimi i mazhorancës për zhvillimin e tyre online, që kundërshtohet nga opozita.
Në sallën e mbledhjeve veç kryetares Bushka u paraqitën edhe deputetët e opozitës, anëtarë të Komisionit të cilët patën një debat me të, ndërsa anëtarët e mazhorancës e përcollën mbledhjen online.
Më forcën e kartonit, Bushka miratoi rendin e ditës, ndërsa deputetët e opozitës kërkuan zhvillimin e mbledhjeve me prani fizike të deputetëve.
