Aktori i famshëm turk, Ozcan Deniz, i njohur në Shqipëri për rolin e “Kahramanit”, është futur në telashe që pas ndarjes nga bashkëshortja, Feyza Aktan me të cilën ka një djalë.
Feyza, ish-bashkëshortja e aktorit, ka denoncuar Ozcan dhe motrën e tij, Sibel. Sipas Feyzës aktori dhe motra e tij instaluan kamera në shtëpinë ku ata jetonin duke parë çdo lëvizje të saj.
Feyza akuzon Ozcan dhe Sibel se e kanë kërcënuar me publikimin e fotove në media. Ozcan ende nuk ka reaguar pas denoncimit, por prej më shumë se një viti aktori ka pasur probleme me ish-bashkëshorten, fillimisht për kujdestarinë e djalit e më pas për pasurinë.
Aktori dhe më parë është akuzuar nga ish-gruaja për dhunë.
