Pavarësisht tensioneve në veri, Policia e Kosovës po vazhdon të zbatojë vendimin për mos-lejimin e targave serbe në vend.
Polica përmes një postimi për mediat ka bërë me dije se është duke vazhduar ndërmarrjen e veprimeve policore në nivel vendi për zbatimin e marrëveshjes së targave.
“Vendimi i institucioneve të RKS-së, po zbatohet duke iu mundësuar qytetarëve pajisjen me targa dhe mundësimin e qarkullimit të tyre pa vështirësi”, ka thënë policia.
“Policia e Kosovës bazuar në detyrat dhe autorizimet e saj është duke vazhduar ndërmarrjen e veprimeve policore në nivel vendi, me qëllim të zbatimit të marrëveshjes për lëvizjen e lirë konkretisht targave të automjeteve. Vendimi i institucioneve të RKS-së, po zbatohet duke iu mundësuar qytetarëve pajisjen me targa dhe mundësimin e qarkullimit të tyre pa vështirësi”, thuhet në deklaratën e policisë.
