Një tragjedi është shmangur mëngjesin e sotëm në aeroportin e Athinës, pasi një avion me 248 persona në bord, pësoi avari në sistemin e frenimit, në momentin e uljes.
Avioni Airbus A333 raportoi një defekt të frenave pak para uljes. Avioni Delta po fluturonte nga Atlanta në Athinë.
Kjo bëri që ekipet e emergjencës në Aeroportin Eleftherios Venizelos, të kalojnë në gadishmëri dhe të shmangin tragjedinë.
Dyshimet janë se defekti në sistemin e frenimit ndodhi nga mbinxehja e frenave dhe raportimi në Kullën e Kontrollit u bë pak para fillimit të procesit të uljes.
