Ish-Kryeministri Sali Berisha u shpreh në foltoren e Vlorës, se vendimin për shpalljen “non grata” të tij nga DASH bazohet në raportet e George Soros, që janë të mbushura me shpifje, pa fakte dhe prova.
Berisha tha se kishte kërkuar në 2017 shpalljen e Sorosit “non grata” në Shqipëri, ndërsa shtoi “ai ma ktheu në 2021, duke më shpallur non grata për në Shtetet e Bashkuara”.
“Ti mund të më shpallësh mua non grata për të mos hyrë në vendin tënd, por ti s´mund të përcaktosh se kush do të hyjë në Kuvendin e Shqipërisë, pasi këtë e përcaktojnë zgjedhësit shqiptarë.
Unë jam në gjyq në Paris me një nga njerëzit më të fortë të globit, Sekretarin e Shtetit, dhe ftoj cilindo mbi tokë që të paraqesë qoftë edhe një fakt apo provë, dhe unë do të marr ndëshkimin më të madh ndaj vetes sime”, tha Berisha.
Sipas tij, fjala e anëtarëve, votat e tyre, me primaret e vërteta, do të jetë norma dhe standardi i ardhshëm i Partisë Demokratike.
