Një 25-vjeçar është arrestuar në Gjermani dhe ekstraduar drejt vendin tonë për atentatin e dështuar ndaj Inez Hajrullës dhe plagosjen e punonjësit bashkiak Dajo Cenodema në vitin 2019 në Vlorë. Ai është Serxhio Cima.
Ngjarja ndodhi më 10 maj të 2019. Në lagjen “Uji i Ftohtë”, Vlorë, nga një automjet në lëvizje është qëlluar me armë zjarri në drejtim të një grupi personash që ishin ulur në një nga tavolinat e vendosura në pjesën e jashtme të një lokali në këtë lagje.
Shënjeshtra e autorëve ishte pikërisht Inez Hajrulla, person me precedent të theksuar kriminal në Vlorë. Ai shpëtoi, por u plagos rastësisht edhe Cenodema që po pinte kafe në Lungomare me disa miq. Autorët, pasi u larguan, dogjën automjetin në Babicë të Vogël.
Nga hetimet e kryera dhe nga bisedat telefonike ka rezultuar se një nga bashkëpunëtorët e grupit të përfshirë në këtë ngjarje ka qenë Serxhio Cima, njoftoi policia.
