Një nga kundërshtarët e Lulzim Bashës, Fatbardh Kadilli, i cili kandidoi përballë tij për kreun e partisë e konsideroi situatën aktuale brenda të djathtës një dëm i madh që po i bëhet opozitës.
Sipas tij ajo që po bënë Basha me Berishën është shpenzim i madh dhe nxjerrje nga misioni për t’i shërbyer shqiptarëve.
“Shpenzim i madh i energjisë, nxjerrë nga misioni për t’i shërbyer qytetarëve dhe thjeshtë përplasen dy të fortët për karrigen. Ky është dëm i madh që i bëhet opozitës se që të dy janë në një betejë pa princip.
Njëri për të kapur drejtimin dhe tjetri për të siguruar azil politik. Janë si dy shoqe që zihen me njëra- tjetrën dhe i nxjerrin të palarat. Të fundit që nuk fitojnë këtu janë qytetarët. PD nuk mund të jetë vendstrehim për Berishën. Ditën kur Lulzim Basha nuk e mbrojti më, doli i keq dhe tradhëtar. PD i ka humbur morali politikë. Nuk jam dakord dhe me faktin se amerikanët të mbajnë në pushtet me zor. “
