Detaje të reja kanë dalë në lidhje me planin e Davide Pecorellit për zbulimin e thesarit në Montecristo. Mediat italiane shkruajnë se, sipas Pecorellit, ai ka gjetur 250 kilogram monedha ari.
“Gjeta thesarin e San Mamiliano. Janë tre arka me 250 kilogramë monedha ari të pastra prej pesë gramësh secila. Gjysmën e tij e kam ndarë me priftin që më ndihmoi me idenë e vetëvrasjes”, ka thënë Pecorelli.
45-vjeçari në deklaratën për mediat tregoi inskenarin për djegien e makinës dhe zhdukjen për 9 muaj.
“Kisha probleme të theksuara ekonomike dhe mendova që të bëja një vetëvrasje, por si fillim u rrëfeva tek një prift. Ai më tregoi mundësinë e eshtrave të vjedhura”, tha ai, ndërsa thekson se prifti i dha idenë që të fusin eshtrat në makinë dhe ta djegin.
Kujtojmë se makina e 45-vjeçarit u gjet muaj më parë në Pukë e djegur, ndërsa vetëm 4 ditë më parë ai doli i gjallë.
