Jennifer Hough, gruaja e cila pretendon se është përdhunuar nga bashkëshorti i Nicki Minaj, në një interviste televizive, foli për ditën kur pretendon se u përdhunua nga Kenneth Petty dhe frikën me të cilën është përballur që nga momenti kur ai u martua me reperen.
“Kisha frikë dhe ishte gabim. Unë s’dua të kem më frikë, e vetmja mënyrë për të mos pasur frikë është të vazhdosh të falësh,”– u shpreh ajo.
Sa i përket asaj që shpreson nga padia e saj, ku kërkon si shpërblin 500.000 dollarë, Hough u shpreh se dëshiron që Pettys të kuptojë “se ka bërë gabim dhe këtë gjë nuk mund t’ua bësh njerëzve”.
“Ai bëri diçka shumë kohë më parë dhe duhej të përballej me pasojat. Ajo që më bënë mua dhe familjes sime nuk është në rregull. Nuk është e drejtë dhe s’ka rëndësi sa para keni, as statusi juaj. S’mund t’i friksoni njerëzit. Kjo është ajo që bënë ata. Dua që vajzat e mia ta dinë, ndërsa rriten, se kanë një zë dhe duhet ta përdorin atë. Kurrë të mos lejojnë dikë që t’I mbyllë gojën”.
Hough rrëfeu momentin kur Petty e çoi në një shtëpi dhe e përdhunoi kur ishte 16 vjeçe.
“Ai më kapi nga xhaketa. Ndjeva diçka në shpinë, kështu që vetëm supozova se kishte një armë. Dhe fillova të ecja. Iu luta atij gjatë gjithë rrugës, duke u përpjekur të kuptoj se çfarë dëshironte. Gjithçka mund të bëja ishte të mbaja pantallonat sa më fort që mundesha. Ishte si një luftë dhe pas pak kohë unë thjesht u lodha.”
Pasi e përdhunoi, Hogh pretendoi se gjeti mënyrën për të shpëtuar dhe vrapoi në shkollë ku informoi një roje sigurie për atë që kishte ndodhur.
Pasi u njoftua policia, Petty u nxorr nga banesa me pranga në duar, ndërsa Hough u transportua në spital.
Duke iu adresuar komenteve të familjarëve të të akuzuarit se në atë kohë ishin në një lidhje, Hough u shpreh: “Kurrë, asnjëherë. S’kemi pasur lidhje romantike me njëri-tjetrin. Kurrë s’kemi folur në telefon, kurrë s’jemi shpqëruar së bashku. E njihja ngaqë e kisha në lagje.”
Ajo u shpreh se u detyrua të hiqte dorë nga akuzat ndaj tij përshkak se kishte rikë. Më pas u largua nga New York nga frika se Petty dhe miqtë e saj do ta sulmonin atë ose familjen e saj.
Ajo foli edhe për momentin kur u përball me Nicki Minaj, duke pretenduar se reperja dërgoi njerëz në familjaren e saj për të negociuar një tarifë që të hiqte dorë nga historia e saj.
“Ajo bëri milona ndjekës të saj të besonin se nuk isha përdhunuar. Nicki më kontaktoi personalisht, duke më ofruar ndihmë por pastaj më kërcënoi kur i thoja jo çdo oferte.”
