Sipërmarrësi italian Davide Pecorelli i cili prej datës 6 janar rezulton i zhdukur në afërsi të Pukës në Shqipëri, ka rrëfyer versionin e tij të ngjarjeve, përballë prokurorëve të Peruxhias.
Për më shumë se dy orë, në praninë e kryeprokurorit të Peruxhias, Raffaele Cantone, sipërmarrësi italian ka pranuar se ka inskenuar zhdukjen për shkak të vështirësive financiare që po kalonte.
“Stimulova vdekjen time për t’i shpëtuar borxheve ka deklaruar ai. Falë ndihmës së një prifti katolik, që kish njohur në Shqipëri, ai është strehuar në një komunitet fetar në Medjeguria në Hercegovinë.
Pak ditë më parë me një linjë urbane që lidh qytetin e Medjegurias me Italinë ka mbëritur në Romë, e më pas ka marrë trenin për të mbërritur në Toskana, pranë ishullit Montekristo,
“Familjarët e mi nuk e dinin se ku ndodhesha e nuk është e vërtetë se e kam bërë gjithcka për të marrë sigurimin e jetës, sic kam lexuar. Jam sipërmarrës prej 30 vitesh e sigurimin e jetës e kam pasur gjithmonë.”
“Jam praktikisht i shkatërruar, i falimentuar, prandaj vendosa të zhdukesha”.
Davide Pecorelli është rikthyer në Itali nën identitet fals pak ditë më parë, Ka marrë një dhomë në një hotel në ishullin Giglio e më pas ka marrë me qera një gomone. Avaria në motorin e mjetit lundrues ditën e premte datë, 17 shtator e ka detyruar të kërkoj ndihmë tek roja bregdetare e ka rrëfyer menjëherë identitetin e tij të vërtetë.
Në rrëfimin e tij përballë hetuesve, Davide Pecorelli ka shtuar se po lundronte në afërsi të ishullit të Montekristos në kërkim të një thesari, e në një zonë të ndaluar për lundrim, pasi konsiderohet pasuri natyrore e territorit.
Por prej disa ditësh hetuesit italinaë ishin vënë në gjurmët e sipërmarrësit të zhdukuar, pas një anomalie në llogarinë bankare të tij, e cila prej gati 9 muajsh rezultonte e pa prekur. Ditën e dielë, datë 12 shtator 2021, nga kjo llogari bankare u verifikua se është tërhequr dy herë shuma prej 250 euro , në një bankë në Romë.
“Kam rrëfyer gjithcka e nuk kam asgjë për të fshehur, ka deklaruar ai. Nuk do të jem më sipërmarrës në Itali dhe e vetmja gjë që dua, është të kthehem sa më shpejt tek fëmijët”
Davide Pecorelli, në Itali rrezikon padinë për përdorim të një identitetit të rremë, por akuza më të rënda pritet të vijnë nga Shqipëria ku ka inskenuar vdekjen e tij me djegjen e makinës tip Skoda, e marrë me qera në aeroportin e Rinasit e kockat e vjedhura në një varrezë e të gjetura në automjetin e shkatërruar nga flakët.
Sipërmarrësi italian Davide Pecorelli është baba i katër fëmijëve. Tre fëmijë i ka me bashkëshorten e parë italiane, me të cilën është ndarë prej disa vitesh, dhe një fëmijë pak vjecarë e ka me partneren e tij shqiptare me të cilën bashkëjeton në qytezën Lama di San Gisutino të Peruxhias.
Ka qënë ish bashkëshortja e tij e cila ka denoncuar tek autoritetet italiane zhdukjen e babait të fëmiëjve të saj që prej disa ditësh nuk komunikonte më me fëmijët.
