I njohur si “njeriu i memeve”, aktivisti i shoqërisë civile, Genc Sejko, u shpreh mbrëmjen e sotme në emisionin “A-show” se opozita me veprimet e saj po del jashtë kontrollit.
Sejko tha se sot, më shumë se kurrë, vendi ka nevojë për një opozitë të fortë, por po shohim një opozitë të çorientuar në kushtet e një lufte civile.
Sipas tij, një situatë e tillë nuk ndihmon askënd tjetër vetëm Qeverinë dhe Ramën.
“E shof si një betejë të gjatë e cila nuk do ketë fitues, pasi populli i thjeshtë që kërkon ndryshim do largohet edhe më shumë nga zgjidhja.
Kemi dy realitete paralele. Ajo që ndodh në të vërtetë dhe ajo sesi e prezanton qeveria, qofshin ngjarje politike apo edhe evente të tjera qofshin të çdo lloji.
Misioni që i kam vënë vetes është që opinioni publik nëpërmjet online ti hapim një dritare ndryshe nga ajo që i jep qeveria. Kemi një qeveri në funksion të pushtetit të Ramës.
Një qytetar duhet të jetë opozitar qoftë edhe me qeverinë që e ka votuar. E trysnon që ajo të qeverisi më mirë”, tha Sejko.
