Ish-ministri i Drejtësisë, Ylli Manjani i ftuar në emisionin “A Show”, tha se ambasadorët e huaj në Tiranë përdoren politikisht.
“Nëse Rama si kryeministër i Shqipërisë nuk do që ambasadorët të kenë protagonizëm, ata nuk guxojnë ta bëjnë. Nëse Rama do që ata të flasin ata flasin, nëse do që të mos flasin, ata nuk flasin. Sa herë të dëgjoni zonjën Kim është Rama nga prapa.
Nuk nxjerr Fugën por nxjerr Kim. Marrëdhënia diplomatike bëhet në rrugë të përcaktuara nga konventa e Vjenës. Nuk lejohen as të flasësh apo të bësh shantazhe.
Grenell iku nga ambasador i SHBA në Gjermani. Foli dhe ndërhyri në çështjet e brendshme por u largua. Nëse do të jesh i ndershëm fol për të dyja palët politike jo vetëm për njërën palë”, tha Manjani.
