Katër persona janë plagosur pasditen e sotme si pasojë e një aksidenti në aksin rrugor Shkodër-Koplik.
Nga raportimet mësohet se aksidenti ka ndodhur në afërsi të fshatit Omaraj.
Një makinë tip Golf që është shkatërruar pothuajse plotësisht, ndërkohë që të plagosurit janë dërguar në spital.
“Më datë 21.09.2021, në aksin rrugor Hani i Hotit–Shkodër, në fshatin Omaraj, automjeti tip Nissan me drejtues shtetasin D. B., është përplasur me automjetin tip Volkswagen me drejtuese shtetasen O. Q..
Si pasojë e përplasjes janë dëmtuar të dy drejtuesit e mjeteve dhe dy pasagjerë që udhëtonin me automjetin tip Volkswagen, konkretisht shtetasit A. Q., dhe H. V., të cilët ndodhen në spitalin Rajonal Shkodër, nën kujdesin e mjekëve, jashtë rrezikut për jetën”, thuhet në njoftimin e policisë.
