Lajm tragjik për familjen Gjoka. Pas 2 motrave dhe mamasë, ndërroi jetë edhe djali 12 vjeçar i familjes.
Ata ishin viktima të shpërthimit të gazit të ndodhur në hotelin në pronësi të tyre në Velipojë më 4 korrik 2021.
Shpërthimi u shkaktoi plagë të rënda dhe të gjithë humbën jetën në një spital në Itali ku kishin shkuar për të marrë mjekim.
Për ngjarjen policia arrestoi Petrit Mollajn, tregtar gazi, sepse dyshohet se ai i shiti gazin familjes Gjoka në Velipojë. Mollaj, 46-vjeç, banues në Shkodër, tregtonte gaz në kundërshtim me ligjin, njoftoi policia.
