Kryeministri Edi Rama, prej disa kohësh është duke lëvizur me një makinë të re dhe luksoze, e cila është e regjistruar në emër të një zonjës E.Hoxhallari.
Ajo që ngre dyshime të forta në opinionin publik, ëhstë se çfarë e lidh kryeministrin Edi Rama me zonjën në emër të së cilës ëhstë e regjistruar makina.
Gjithashtu deri më sot nuk kemi asnjë të dhënë të bërë publike se sa kushtuar makina me të cilën lëviz kryeministri Rama, dhe se kur është hedhur tenderi (pasi çdo objekt, makinë apo çdo lloj gjëje tjetër që blihet për institucionet, kalon përmes tenderimit).
Ndërkohë që mjeti me të cilin lëviz kryeministri Rama flitet se ka elementë sigurie të veçantë, e cila vetvetiu ngre pyetjen se për çfarë i duhet kryeministrit Rama një siguri më e lartë, nga kush kërcënohet, apo pse duhet të lëvize me mjete që mund t’i kushtojnë shumë buxhetit të shtetit, qoftë dhe në rast se makina ëhstë marrë me qera.
Lidhur me këtë çështje ka reaguar edhe gazetarja Esiona Konomi, e cila shkruan se i ka kërkuar informacion zyrtar edhe qeverisë.
Postimi i gazetares:
Meqë jemi në ditën e qeverisë modeste dhe me etikë të lartë, a mund të përgjigjet kryeministri:
-A është blerë makina që ai po përdor së fundmi me fonde nga buxheti i shtetit?
-Kush është zonja E. Hoxhallari dhe a ia ka dhënë ajo makinën në përdorim kreut të qeverisë?
-Nëse nuk ka lidhje me këtë zonjë, a mund të shpjegojë z. Rama se e kujt është makina e sa kushton ajo?
-Pse ju desh kryeministrit një makinëne re? Çfarë elementësh sigurie ka ky automjet?
(Pyetjet ia kam drejtuar prej ditësh edhe zyrtarisht qeverisë).
