Deputeti demokrat Agron Gjekmarkaj u shpreh në një intervistë për Syri Tv se nëse çështja e përjashtimit të ish-Kryeministrit Sali Berisha do të votohej në Grupin Parlamentar, të gjithë do të votonin kundër vendimit. Madje Gjekmarkaj tha se ndoshta edhe vetë Lulzim Basha do të votonte kundër këtij vendimi.
Gjekmarkaj ka komentuar zhvillimet në PD, ndërsa u shpreh se vendimi për përjashtimin e Berishës ka ardhur për shkak të presionit amerikan.
Deputeti u shpreh se edhe ai vetë po të ishte thirrur në këtë votim, do të shprehej kundër përjashtimit të ish kryeminstrit Berisha nga grupi kuvendor i PD.
Gjekmarkaj gjithashtu tha se i qëndron idesë së ri-themelimit të Partisë Demokratike, ide që fillimisht e ka hedhur në vitin 2018, dhe e ka ripërsëritur edhe në Korrik të 2021.
“I qëndron kësaj ideje, por unë kam mbetur minorancë”, tha Gjekmarkaj.
