Mentor Mazrekaj mendon se Laçi i këtij viti do të jetë përsëri protagonist për titullin kampion. Në fjalët e tij për “SuperSport”, futbollisti i kurbinasve komentoi se kishte shumë rivalitet për titull, por avantazhi këtë vit ishte VAR-i që do e bënte luftën më të drejtë.
“Ishte ndeshje e mirë pas asaj me Vllazninë se te ajo kishim vështirësi se në ndeshjet e para janë të vështira. Nuk isha në formën më të mirë, por sot ishte me mirë.
Besoj sa të kuptojmë idetë e tij, stilin e lojës, ritmin e duhur, besoj se nga java e katërt dhe e pestë do të shihni Laçin e vërtetë.
VAR është gjë e mirë se nuk lejon ndërhyrjet e forta, parregullsitë. Në shumë raste ka pasur diskutime, por besoj se VAR do e bëjë më interesant dhe të drejtë kampionatin shqiptar.
Ndryshimi me Duron? Ky është trajner që do më shumë mbajtjen e topit, po besoj që duhet edhe të ketë lojtarët për atë lojë që kërkon. Të shohim në javët në vijim si do të interpretojmë lojën që kërkon trajneri.
Besoj se jemi 7 skuadra që kemi të njëjtat objektiva, minimumi Europën e maksimumi titullin. Besoj se të 7 jemi aty-aty, cila të bëjë gabime më pak, do të arrijë objektivat.
Laçi për titull? Nuk është për herë të parë. E provuam edhe vjet për kampion e nuk ia dolëm, besoj që viti i dytë do të jetë fatsjellës”, tha Mazrekaj.
