Prezantuesja e famshme sportive, Diletta Leotta, ishte e ftuar së fundmi në një emision që iu kushtua luftës kundër dhunës ndaj femrave, jo vetëm fizike, por edhe psikologjike.
Ajo është një shembull ideal, pasi vite më parë, kaloi “ferrin” e jetës, duke marrë parasysh që fotot e saj nudo dolën në publik.
“E mbaj mend mirë atë moment. Dikush më tha se fotot e mia ishin publikuar. Thashë që nuk ishin fotot e mia, por kur e pashë njëren prej tyre, fryma m’u ndal për dhjetë minuta. Ishte një moment tragjik”, tha ajo.
“Mendova se jeta ime kishte mbaruar. Mendoja se nuk duhej të dilja asnjëherë nga shtëpia. Ato fotografi, ku disa prej tyre isha e mitur, nuk ia kam dërguar askujt, thjesht m’u hakua kompjuteri”, tregoi Diletta.
