Aktorja Esmeralda Metkaj, e njohur ndryshe si Cubi, ka qëndruar larg ekranit prej disa vitesh.
Në një intervistë për moderatorin Alban Musa në “Abc-ja e mëngjesit”, rrëfeu dhe arsyen që e largoi nga skena. Ajo tregoi se i është dashur të qëndrojë larg Shqipërisë për arsye shëndetësore, megjithëse preferoi të mos ndante më shumë detaje.
“Ishte një moment që duhet të merrja një vendim si për jetën personale, sociale dhe shëndetësore. Erdhën papritur gjërat, u ndodha në një situatë që më duhej të tërhiqesha.
Ishte një pauzë momentale për arsye shëndetësore dhe emocionalisht ndikoi keq kjo tërheqje. Gjërat kaluan dhe ja ku jam, shëndeti im është fantastik. Ishte një problem që kishte pasojat e veta dhe më duhej të shkëputesha nga çdo gjë, çdo stres dhe lodhje fizike.”, rrëfeu ajo.
Aktorja zbuloi se është e dashuruar por preferoi të mos ndante më detaje.
“Statusi im ka qenë dhe jam e dashuruar.”, tha Metkaj.
