Eklent Kaçi vazhdon të magjepsë me talentin e tij! 22-vjeçari nga Laçi është kampioni i ri i botës në bilardo. Shqiptari fitoi në kampionatin e bilardos me 10 bila të zhvilluar në Las Vegas të SHBA, ku morën pjesë 64 lojtarë nga e gjithë bota.
Në finale, Kaçi mposhti japonezin Naojuki me rezultatin 10-6, duke ngritur lart flamurin shqiptar. Nga triumfi në kampionatin botëror me 10 bila, talenti shqiptar fitoi edhe një shpërblim prej 100 mijë dollarësh. Kujtojmë që në vitin 2018, Eklent Kaçi u shpall Kampion i Botës në bilardo me 9 bila në turneun e zhvilluar në Doha të Katarit.
Djaloshi nga Laçi gjithashtu ka arritur të fitojë edhe shumë turne të tjera Europianë, duke bërë krenarë shumë shqiptarë anë e mbanë botës.
https://streamable.com/ml2hpq
