Aktori Michael Constantine ka ndërruar jetë në moshën 94-vjeçare.
Aktori është bërë shumë i njohur falë filmit “Dasma ime greke”, (My Big Fat Greek Wedding). Nia Vardalos, e cila ishte jo vetëm protagonistja (vajza e tij në film), por edhe ajo që shkruajti skenarin e komedisë së famshme, i ka kushtuar disa fjalë të ndjera Michael.
“Michael Constantine, babai i “familjes” sonë, një dhuratë për fjalën e shkruar dhe gjithmonë një mik. Aktrimi me të u pasua me shumë dashuri dhe argëtim. Unë do ta çmoj këtë njeri që solli në jetë Gusin. Ai na dha shumë të qeshura, por tani meriton të pushojë. Të duam Michael”, ka shkruar ajo.
Aktori luajti gjithashtu në filmin “Big Fat Greek Wedding 2”, xhiruar në vitin 2016 që ishte dhe shfaqja e fundit e tij në ekranin e madh të kinemasë.
