Një i ri ka humbur jetën në Tiranë këtë të Shtunë. Dyshohet se ai ka rënë në kontakt me rrymën elektrike, teksa punonte në një lokal.
Policia informoi se ngjarja ndodhi rreth orës 12:45, në Rrugën e Elbasanit.
“Dyshohet se duke punuar në një lokal ka rënë kontakt me rrymën elektrike dhe për pasojë ka humbur jetën në spital shtetasi G.B., 27 vjeç”, njoftoi policia.
Grupi hetimor po punon për sqarimin e rrethanave dhe dokumentimin e plotë të ngjarjes, shtuan të njëjtat burime.
