E ftuar në studion e Open zv/ministrja e shëndetësisë deklaroi se vaksina anticovid nuk është e vërtetuar se mbron të gjithë personat. Rakacolli foli edhe për të shtruarit që tha se situata është rënduar. Ndërkohë shtoi se deri në këto momente vetëm 50% e shtretërve janë zënë. Ajo tha se ka edhe raste të rënda, por sipas saj rastet e rënda janë të pavaksinuar.
Rakacolli tha se ka dhe shumë prej atyre që kanë bërë vaksinën dhe janë shtruar, por nuk janë në gjendje të rëndë.
Zv/ministrja deklaroi se delta prek më shumë moshat e reja dhe se moshat mesatare e atyre që kanë humbur jetën është 60 vjeç.
Për Rakacollin humbjet e jetës jo domosdoshmërisht vijnë si pasojë e prekjes nga covid, por të prekurit mund të kenë edhe sëmundje të tjera. Të rinjtë tha Rakacolli nuk mbrohen fare dhe kjo gjë është tepër shqetësuese.
Ndërsa shtoi se mbi 12 mijë të infektuar në vend aktualisht, 95% e tyre janë të pavaksinuar dhe vetëm 5% janë të vaksinuar.
