Policia e Durrësit ka goditur dy raste të tjera të mashtrimit dhe falsifikimit të tamponëve “COVID-19”, kundrejt përfitimit. Prangosen 5 persona, si dhe procedohet penalisht 1 shtetase.
Këta shtetas në bashkëpunim me njëri-tjetrin, duke qenë të punësuar pranë agjencisë turistike dhe laboratorit, me anë të falsifikimit dhe mashtrimit, pajisnin qytetarët të cilët do udhëtonin drejtë vendeve të BE-së, me testime “Antigen Rapid”.
Në pranga kanë rënë një 65-vjeçare dhe dy 24-vjeçare, si dhe dy djem të rinj 25 dhe 23 vjeç, ndërsa është proceduar një 40-vjeçare.
Ndërkohë, është shpallur në kërkim administratori i laboratorit.
