Zv.ministrja e Shëndetësisë, Eugena Tomini, ka shpjeguar sot masat e reja anti-Covid, ku përfshihet edhe vendosja e karantinës për rastet ku udhëtarët që hyjnë në Shqipëri, nuk paraqesin test negativ, pasaportë vaksinimi apo vërtetim që e kanë kaluar covid në 6 muajit e fundit.
Sipas Tominit, me shtimin e infektimeve u pa e arsyeshme që të ndryshonin masat, pasi një orë më shumë mbyllur kufizon shumë më tepër përhapjen e koronavirusit.
“Vlerësimi i masave ka qenë dinamik. Ndërsa për sezonin veror ka insistuar në respektim të distancimit fizik dhe masave të thjeshta. Ishin elementë të domosdoshëm. Dhe duhet edhe tani. Ndaj është e rëndësishme”, tha ajo në studion e ABC.
Ajo u shpreh se karantinimi 10 ditë është vendosur mbi bazën e studimeve dhe mesataren e kalimit të sëmundjes edhe në nivelin e karantinimit.
“Delta ka inkubacion më të shkurtër dhe parashikuam 10 ditë karantinë dhe për ata që janë shëruar vërtetim për 6 muaj”, tha ajo.
