Një grua ka përfunduar në spital me dëmtime serioze, pasi ka rënë në një pusetë në mes të Tiranës. E dëmtuara ka denoncuar në ‘JOQ’ Bashkinë e Tiranës, duke treguar se është rrëzuar në një nga urat e kryeqytetit pasi pllaka ishte e prishur.
Teksa ka ndarë fotot e trupit të saj i cili është me shenja dhe me gjak, ajo ka ndarë dhe fotot nga ura. Gruaja shkruan se ndodhet në spitalin e Traumës jashtë rrezikut për jetën. Duket se investimet që kryen Bashkia e Tiranës e drejtuar nga Erion Veliaj dita-ditës tregojnë se janë vetëm fasada, pasi incidente të ngjashme raportohen në media çdo javë, ku herë rrëzohet një tavan shkolle apo spitali, dhe herë shembet rruga dhe rrezikohen edhe pasagjerët e transportit publik.
Sa herë ka denoncime të tilla, nga Bashkia e Tiranës, tentohet të kalohet në heshtje, apo organizohet show i rradhës dhe askush nuk mban përgjegjësi.
DENONCIMI:
“Te lutem joq, dua te bej nje denoncim ndaj Bashkise se Tiranes. Duke kaluar mbi ure pllaka u zhyt brenda dhe u rrezova posht bashke me pllaken. Përfundova tek trauma, jasht rreziku per jeten por mund te kem lendime shume serioze. Ka ndodhur tek kisha katolike tek ura. Njerzit qe me pane jan traumatizuar dhe ka akoma pllaka me qe levizin.
