Një 54 vjeçar, ka mbetur i plagosur ditën e sotme në qytetin e Shkodrës. Nga raportimet mësohet se i plagosuri është identifikuar si Nikolin Hubaj, ish-kreu i PS për Vaun e Dejës.
Policia njoftoi se rreth orës 10:15, në afërsi të shkollës Pyjore, Shkodër, në rrethana ende të paqarta është plagosur me armë zjarri në këmbë, jashtë rrezikut për jetën shtetasi N. H., 54 vjeç, banues Vau Dejës.
Në vendngjarje kanë mbërritur menjëherë shërbimet e Policisë ku vijon krehja e zonës për kapjen e autorit.
Grupi hetimor nën drejtimine Prokurorisë ndodhet në vendngjarje dhe vijon punë për sqarimin e rrethanave dhe zbardhjen e ngjarjes.
