Pjesa e parë mes Polonisë dhe Shqipërisë është mbyllur me rezultatin 2-1 në favor të vendasve.
Ndeshja nisi shumë keq për kuqezinjtë teksa në harkun e 11-të minutave, Abrashi, Bare dhe Elseid Hysaj u ndëshkuan me karton të verdhë.
Si të mos mjaftonte kjo, vendasit kaluan në avantazh me anë të Robert Lewandowski teksa mbrojtja kuqezi u gjend tërësisht e papërgatitur. Në një goditje dënimi, një krosim brenda zonës ka gjetur kokën e futbollistit polak që ka pasuar për në shtyllën e dytë për Lewandowski.
Sulmuesi i Bayern Munich dhe kapiteni i kombëtares polake ka fluturar dhe ka devijuar topin duke e çuar në shtyllën e parë të portierit Berisha dhe shënuar avantazhin.
Por papritur pas këtij momenti, Shqipëria merr kontrollin e lojës duke kërcënuar vazhdimisht portën e mbrojtur nga Szczesny. Gjithçka shpërblehet në minutën e 25-të aty ku Cikalleshi barazon shifrat. Ylli i Konyaspor në elitën e futbollit turk ka shfrytëzuar në mënyrë shumë perfekte një top të gjatë dhe ka mposhtur Sczecznyn, duke barazuar shifrat 1-1.
Gjithsesi në momentin më të mirë të kuqezinjve dhe kur pritej vërshëllima e gjyqtarit, Buksa rikthen avantazhin për Poloninë me anë të një goli me kokë.
https://streamable.com/rz454n
https://streamable.com/e5ptsh
