Të paktën 29 persona humbën jetën teksa uragani Ida goditi verilindjen e SHBA me tornado dhe shira rekord që e lanë zonën të përmbytur dhe nën gjendje të jashtëzakonshme.
Videot në mediat sociale treguan makina të zhytura në autostrada dhe uji që hynte në stacionet e metrosë.
4 gra, 3 burra si dhe një djalë 2-vjeçar vdiqën në 5 incidente të ndara përmbytjesh në qytet në Nju Jork, tha policia.
BBC raporton se shumica e personave që humbën jetën si pasojë e përmbytjeve, mbetën të bllokuar në bodrumet e shtëpive të tyre.
