Kryeministri Edi Rama ka rikonfirmuar deklaratat e mëparshme se nuk ka asnjë vijë të kuqe lidhur me bashkëpunimin me opozitën.
Në studion e Opinion, Rama tha se ftonte opozitën për të bashkëpunuar dhe këtë e them duke mos pasur asnjë hall apo problem.
“Nuk ka vija të kuqe, i gatshëm të bashkëpunoj pa pasur vija të kuqe”, tha Rama.
Sipas tij, vendi nuk ka nevojë për politikën e konfliktit permanent, duhet të ulim konfliktin politik me sa të jetë e mundur dhe këtë e them jo për vete, as për Partinë Socialiste.
“Unë personalisht nuk i druhem konfliktit politik, por kjo nuk i duhet vendit”, tha Rama.
I pyetur nëse është i gatshëm të bashkëpunojë me opozitën për reformën territoriale apo kushtetuese, Rama tha se është i gatshëm të ulet që nesër, megjithëse i kemi ekstremisht të kundërta qëndrimet.
“Ata mendojnë se duhet të kemi më shumë bashki, unë mendoj se duhet të kemi më pak, megjithatë duhet të ulemi”, tha Rama.
