Autoritetet amerikane njoftuan zyrtarisht mbylljen e operacioneve të evakuimit nga aeroporti i Kabulit, duke lënë pas afganë kundër dëshirës së tyre.
Siç raportoi “Wall Street Journal” të Martën, një prej tyre është edhe një përkthyes afgan i identifikuar si Mohammed, i cili i ka bërë apel për ndihmë Presidentit të SHBA-ve, përmes medias amerikane.
“Përshëndetje Zoti President: Më shpëtoni mua dhe familjen time. Mos më harroni këtu”, citohet ai nga WJS.
An Afghan interpreter helped rescue Joe Biden in 2008.
Yesterday, Joe left him behind.
“Mr. President…Don’t forget me here.”https://t.co/xtKIxVEaxY
— Benny (@bennyjohnson) August 31, 2021
Tashmë 36 vjeç, Mohammed ishte përkthyesi i forcës ajrore amerikane që shpëtoi Bidenin, asokohe senator dhe kolegët e tij John Kerry e Chuck Hagel në shkurt 2008, kur helikopteri i tyre bëri një zbarkim urgjence në Afganistan, gjatë një stuhie të keqe dëbore.
Raportohet se Mohammed kishte aplikuar për një Vizë Imigruese Speciale (SIV), program për të evakuuar përkthyesit që ndihmuan SHBA-të gjatë konfliktit 20-vjeçar, por që u bllokua kur kontraktori për të cilin punonte humbi regjistrimet përkatëse, raportoi WSJ.
“Shërbimi i tij vetëmohues ndaj burrave dhe grave tona ushtarake është vetëm lloji i shërbimit që uroj që të shfaqet te më shumë amerikanë,” kishte thënë nënkolonel Andrew Till në mbështetje të aplikimit të tij. “Nëse mund të ndihmoni vetëm një afgan, zgjidhni atë,” shkroi Shawn O’Brien, një veteran i ushtrisë i cili kishte punuar me Mohammed në 2008.
“Unë nuk mund të largohem nga shtëpia ime,” i tha ai gazetës, pasi avionët e fundit ushtarakë amerikanë janë larguar nga Kabuli, “kam shumë frikë.”
I pyetur për gjendjen e Mohamedit, Sekretarja e Shtypit e Shtëpisë së Bardhë Jen Psaki tha se mesazhi i administratës për të ishte: “Faleminderit për rolin që keni luajtur në ndihmën ndaj njerëzve tanë”.
“Ne do t’ju nxjerrim prej aty gjatë fazës diplomatike”, shtoi Psaki, duke thënë se “angazhimi i administratës është i qëndrueshëm”.
.@WSJ‘s @TParti asks Psaki about the paper’s reporting that an translator who saved Biden, Chuck Hagel, & John Kerry and is trapped in Afghanistan.
Psaki says “thank you for the role you played in helping a number of my favorite people” and the U.S. will keep trying to help. pic.twitter.com/RBkC93wyhu
— Curtis Houck (@CurtisHouck) August 31, 2021
“Ata që na ndihmuan nuk do të lihen pas,” u zotua Presidenti Biden më 24 qershor. Deklarata u bë para se qeveria afgane e mbështetur nga SHBA të rrëzohej plotësisht dhe talebanët të merrnin Kabulin, duke lënë trupat amerikane të rrethuara në aeroport.
