Nëntë anëtarë të një familjeje, përfshirë 6 fëmijë u vranë gjatë një sulmi me dron, qe kishte në shënjestër një makinë në një lagje rezidenciale të Kabulit, tha i afërmi i të vdekurve për CNN.
SHBA kreu një sulm ajror mbrojtës në Kabul (28 gusht), duke synuar një organizatorin terrorist të dyshuar të ISIS-K, i cili përbënte kërcënim për aeroportin, tha të dielën Komanda Qendrore e SHBA.
Fëmija më i vogël që u vra ishte një vajzë 2-vjeçare, sipas vëllait të njërit prej të vrarëve.
Ata ishin “një familje e zakonshme”, tha ai.
“Ne nuk jemi ISIS, kjo ishte një shtëpi familjare, ku vëllezërit e mi jetonin me familjet e tyre.”
Fqinjët dhe dëshmitarët në vendin e sulmit me dron në Kabul i thanë CNN se disa njerëz u vranë, përfshirë fëmijë.
“Të gjithë fqinjët u përpoqën të ndihmojnë dhe sollën ujë për të shuar zjarrin dhe unë pashë që ishin pesë ose gjashtë persona të vdekur,” tha një fqinj për CNN.
Ushtria amerikane pranoi të dielën se ka raporte për viktima civile pas sulmit.
“Ne e dimë se kishte shpërthime të konsiderueshme dhe të fuqishme, që rezultuan nga shkatërrimi i automjetit, duke treguar një sasi të madhe të materialit shpërthyes brenda që mund të ketë shkaktuar viktima shtesë. Është e paqartë se çfarë mund të ketë ndodhur, dhe ne jemi duke hetuar më tej,” tha në një deklaratë, zëdhënësi i Komandës Qendrore të SHBA-ve.
“Indikacionet fillestare tregojnë se ne e kemi vrarë objektivin. Me sa dimë, nuk ka viktima civile,” tha ushtria amerikane në një deklaratë.
S-K, ose Provinca Khorasan e Shtetit Islamik, është grupi më ekstrem dhe më i dhunshëm nga të gjitha grupet militante xhihadiste në Afganistan.
Një dron Reaper, i lëshuar nga Lindja e Mesme, goditi militantin ndërsa ai ishte në një makinë me një anëtar tjetër të IS, duke i vrarë të dy, tha një zyrtar për agjencinë e lajmeve Reuters.
Shumica e mijëra ekstremistëve të IS-K besohet se fshihen në provincën, në lindje të Kabulit.
