Mediat kineze shkruajnë se është ndaluar me ligj provimi për gjashtë dhe shtatë-vjeçarët, me qëllim për të lehtësuar presionin e ushtruar nga prindërit në drejtim të vogëlushëve.
Lajmin e dha ministria e arsimit në Kinë, duke deklaruar se provimet në moshë të vogël dëmtojnë shëndetin fizik e mendor të nxënësve. “Provimet janë një pjesë e domosdoshme e edukimit shkollor, por disa shkolla kanë problem për shkak të provimeve të tepërta dhe numrit të madh të nxënësve.
Klasat e para dhe të dyta të shkollës fillore nuk kanë pse të bëjnë provime. Ndërsa për klasat e tjera, shkollat të bëjnë provime vetëm në fundet e semestrit”, shkruan BBC.
