VIDEO/ Zbulohet baza e kokainës në Sarandë, 1 i arrestuar dhe 1 në kërkim |

Një sasi prej rreth 1.2 kg kokainë është sekuestruar nga policia e Sarandës që ka arrestuar një person dhe ka shpallur në kërkim një tjetër.

Romeo Laze, 41 vjeç u vu në pranga, ndërsa në kërkim u shpall B.Ç., 26 vjeç, banues të dy në Sarandë.

Operacioni

Policia njoftoi se: bazuar në informacionet se dy shtetas posedonin dhe merreshin me shpërndarjen e lëndëve narkotike kokainë, pas një pune disa javore, Seksioni për Hetimin e Krimeve në Komisariatin e Policisë̈ Sarandë, në bashkëpunim me strukturat e DVP Vlorë dhe grupin e FNSH-së, zhvilluan operacionin antidrogë të koduar “Çuka”.

Nga ana e Seksionit për Hetimin e Krimeve në Komisariatin e Policisë̈ Sarandë, janë grumbulluar informacione në rrugë operative, se të dy këta shtetas kishin përshtatur një garazh në lagjen nr.4, Sarandë, për përpunimin e lëndës narkotike të llojit “Kokainë” dhe e shpërndanin atë, në sasi, në zona të ndryshme të qytetit të Sarandë dhe Ksamilit.

Lexo edhe:

Horoskopi, e hënë, 25 nëntor 2024/ Lexoni parashikimin e yjeve për shenjën tuaj

Waltz: Trump i shqetësuar nga përshkallëzimi i luftës Rusi-Ukrainë

Gjatë kontrollit të ushtruar në momentin e arrestimit të shtetasit Romeo Laze, efektivët gjetën dhe sekuestruan në cilësinë e provës materiale, doza me lëndë të dyshuar kokainë.

Në vijim të kontrolleve të ushtruara në banesat, automjetet dhe motomjetet që këta dy persona përdornin, u gjetën dhe sekuestruan në cilësinë e provës materiale, 1 kilogram e 255 gramë lëndë e dyshuar narkotike e llojit “Kokainë”, një pjesë e të cilës ishte e ndarë në doza gati për shitje, 1 armë gjahu dhe muncionon luftarak, 3 peshore elektronike, një presë metalike, një shumë e konsiderueshme parash në lekë, euro dhe dollarë, të përfituara nga shitja e lëndës narkotike, 4 targa automjetesh dhe 1 pajisje DVR. Gjithashtu, u sekuestruan 3 automjetet dhe 3 motomjetet me të cilin këta shtetas qarkullonin për të shitur lëndën narkotike.

“Vijon puna intensive për kapjen e shtetasit të shpallur në kërkim për këtë veprimtari kriminale, ndërsa materialet iu referuan për veprime të mëtejshme, Prokurorisë së Rrethit Gjyqësor Sarandë, për veprat penale penale ‘Prodhim dhe shitje të lëndëve narkotike’, ’Përshtatja e lokalit për përdorim droge’ dhe ‘Prodhimi dhe mbajtja pa leje e armëve luftarake dhe e municionit’ të kryera në bashkëpunim”, thuhet në njoftimin e policisë.

Lexo edhe: