Protestuesit që kundërshtojnë masat e koronavirusit të qeverisë gjermane dolën përsëri në rrugë të dielën në Berlin, duke kundërshtuar ndalimet e disa aktiviteteve të planifikuara.
Gjatë gjithë pasdites, me mijëra ishin njerëzit që marshuan në lagjet Friedrichshain, Prenzlauer Berg dhe Mitte të kryeqytetit gjerman.
Më shumë se 2,000 policë ishin në detyrë në të gjithë qytetin për t’iu përgjigjur protestave.
Policia kishte ndaluar më shumë se një duzinë protestash të planifikuara për këtë fundjavë, përfshirë lëvizjen Querdenker me qendër në Shtutgart, lëvizja më e spikatur kundër bllokimit në Gjermani.
Një gjykatë vendosi të lejojë një protestë të tillë, të planifikuar për rreth 500 persona të Shtunën dhe të Dielën.
Demonstratat e së dielës pasojnë një pjesëmarrje të ngjashme prej disa mijëra vetësh të Shtunën, gjithashtu në kundërshtim me ndalimet e policisë.
Një vit më parë, gjatë një proteste në shkallë të gjerë kundër koronavirusit në kryeqytetin Berlin, mbështetësit e ekstremit të djathtë u përpoqën të sulmonin ndërtesën e parlamentit të Gjermanisë.
Ata u kapën nga policia, por incidenti tregoi rolin e madh që luajnë aktivistët e së djathtës ekstreme në protestat kundër koronavirusit.
