Alban Hoxha mund të lërë Partizanin. Interes për gardianin 33 vjeçar ka nga Arabia Saudite, me Al Faisaly që edhe njëherë ngul këmbë për Hoxhën. Shtypi i shkruar bën me dije se portieri po kalon gjithçka në fshehtësi, me kontaktet që janë intensifikuar javët e fundit.
Për shërbimet e Hoxhës, çdo klub i interesuar do duhej të derdhte shumën e duhur në arkat e Partizanit, pasi portieri ka kontratë me klubin. Te Al Faisaly trajner është Paolo Tramezzani, ish-ndihmësi i De Biasit në Kombëtaren kuqezi. Duket se dëshira e trajnerit është të ketë Hoxhën në ekip, për të siguruar katërkëndëshin.
