Egnatia do luajë në Superligë sezonin që vjen. Klubi rrogozhinas veç një skuadre me emra të rëndësishëm, është kujdesur edhe për infrastrukturën. Falë mbështetjes së Bashkisë dhe presidentit Demrozi, djemtë e Gugash Maganit do luajnë në elitë në një stadium të ri.
Në pak muaj, Rrogozhina ktheu një fushë sporti në një stadium me të gjitha kushtet. Tanimë faza e parë ka përfunduar, me Egnatian që do luajë në shtëpi ndeshjet e Superligës, që nis në 11 shtator.
Në Rrogozhinë i kanë menduar të gjitha, teksa stadiumi i ri do inaugurohet në një ndeshje miqësore. Të mërkurë në 1 shtator në orën 17:00, Egnatia do luajë një miqësore me Partizanin në stadiumin e ri.
Për të parën herë në fushën e stadiumit do luhet një miqësore, teksa fusha, tribuna kryesore dhe dhomat e zhveshjes janë gati.
