Ndeshja e parë pa Ronaldon dhe menjëherë një humbje. Juventusi i Allegrit ka probleme dhe kjo duket në këto dy ndeshjet e para në Serinë A.
Nëse ndaj Udineses barazuan dhe kishin Ronaldon në stol, sot ndaj Empolit në “Allianz Stadium” u shokuan nga Empoli i Ardian Ismajlit dhe Nedim Bajramit.
Dy lojtarët shqiptarë bënë paraqitje shumë të mirë në përballjen me bardhezinjtë të cilët ishin shumë të paqartë dhe aspak krijues në këtë mbrëmje.
Që në minutën e 22’, Mancuso pas një gjuajtje të Bajramit, mori një top në zone duke thyer bardhezinjtë e duke bërë të heshtë stadium.
Goli shokon bardhezinjtë që nuk dinë të reagojnë dhe as pjesa e dytë dhe as zëvendësimet e bëra nga Allegri nuk japin rezultat.
Ajo që shqetëson më shumë është fakti që Juventusi dukej i pafuqishëm dhe nuk dinte të ndërtonte aksione të rrezikshme teksa kjo humbje që në javën e dytë vjen shumë shpejt për Allegrin dhe lojtarët.
