Presidenti turk, Erdogan ka bërë të ditur sot se bisedimet për menaxhimin e aeroportit të Kabulit vazhdojnë akoma, pa asnjë përgjigje përfundimtare.
“Në fakt, Talebanët kanë bërë një kërkesë sa i përket operimit të aeroportit të Kabulit. Ajo kërkesë na është paraqitur ne. Ata na thonë, ‘do të garantojmë sigurinë dhe ju mund ta menaxhoni atë’. Por nuk kemi marrë ende një vendim.
Atje ekziston gjithmonë rreziku për vdekje. Tani, në ngjarjet e fundit dje, shumë persona humbën jetën. Nëse emri ynë është i përfshirë atje, ata do të thonë ‘Turqia është atje’ ose ‘ata po menaxhojnë ushtrinë apo civilët në aeroport dhe shumë persona vdiqën pavarësisht kësaj’.
Nëse ne përballemi me këtë, nuk mund ta shpjegojmë, prandaj nuk kemi ende një vendim”, tha presidenti Erdogan.
