Cristiano Ronaldo është sërish në lëvizje. Portugezi ka zyrtarizuar kthimin te Manchester United, më në fund duke iu plotësuar dëshira për largim nga Juventusi.
Partnerja e sulmuesit, Georgina Rodriguez, ka përfituar nga rasti për të bërë një koment ironik ndaj Carlo Ancelotti, pasi italiani mohoi një javë më parë se “Los Blancos” ishin të interesuar të kthenin në “Bernabeu” yllin e tyre të mëparshëm.
“Shpresoj që Ancelotti të mos dalë dhe ta mohojë edhe këtë”, – shkroi Gerogina në një postim në Instagram, duke referuar lajmin nga “El Chiringuito”.
Ancelotti e kishte mohuar lajmin e kthimit të Ronaldos te Real Madridi, përmes një postimi në Twitter: “Cristiano Ronaldo është një legjendë e Real Madridit, ka gjithë dashurinë dhe respektin tim, por unë kurrë nuk jam përpjekur të nënshkruaj me të. Le të shikojmë përpara”.
Lajmi, marrë nga “El Chiringuito Tv”, ishte komentuar nga Georgina. Partnerja e portugezit i ishte përgjigjur Ancelottit me një të qeshur ironike “ajajaja”…
