Tritan Shehu e sheh të zymtë situatën me pandeminë në vendin tonë në muajt e ardhshëm.
Për “A2”, deputeti i zgjedhur i PD përsëriti thirrje që qeveria të marrë masa për të mos shkuar në skenarin e vitit të kaluar, ku sipas tij humbën jetën më shumë se 16 mijë persona nga koronavirusi.
Tritan Shehu bëri thirrje për ndërprerjen e vaksinimit me vaksinën kineze dhe nisjen e përdorimit vetëm të vaksinave të certifikuara nga EMA dhe FDA.
“Jam i shqetësuar për situatën me pandeminë. Shoh që situata do të shkojë në përkeqësim. Kam frikë se do të jemi prapë përpara situatave tragjike siç kemi qenë deri tani, kur shqiptarët e kanë paguar këtë papërgjegjshmëri të qeverisë me 16 mijë humbje jete, 50 mjekë të vdekur dhe me elementë të tjerë që janë në kundërshtim të interesave të vendit. Shqipëria nuk ka arritur dot imunizimin. Numri i vaksinimit është shumë I ulët nën mesataren. Shumica e vaksinave janë të paefektshme, të papërdorshme, nuk janë të miratuara nga institucionet e njohura si EMA apo FDA. Kam frikë se do të rikthehemi në pozicionet e disa muajve më parë. Duhet të ndalohet përdorimin i vaksinave të pacertifikuara nga EMA. Vaksina kineze është e pacertifikuar, ajo nuk vepron ndaj Deltës. Personat e vaksinuar me vaksinat kineze duhet të rivaksinohen edhe Turqia po e bën këtë gjë”, tha ai.
