Cristiano Ronaldo u rikthye te Manchester United për të vazhduar karrierën e tij në klubin britanik, me dëshirën për të qenë përsëri protagonist në “Old Trafford”, aty ku u bë nga emrat më të suksesshëm të futbollit botëror.
Një stadium ku ai mbajti numrin 7, fanellën që kishin veshur para tij disa idhuj për tifozërinë si Cantona e Beckham. Por me këtë rikthim, fanella me numrin 7 mund të mos jetë ajo që do të mbajë.
Numri 7 aktualisht mbahet nga Edinson Cavani, dhe rregullorja e Premier League është e qartë: Asnjë lojtar nuk mund të ndryshojë numrin pasi sezoni ka filluar, një pengesë e vërtetë kjo për Ronaldon për të arritur te numri i tij i preferuar.
Kështu, në Angli që tani ngrihen hipoteza se numri i tij i ardhshëm do të jetë ai 28, që ka mbajtur në vitet e tij të para te Sporting Lisbona.
