Pas disa vitesh, Milani u rikthye në Champions por fati nuk i buzëqeshi shumë kuqezinjëve. Te besuarit e Piolit u shortuan në grupin B së bashku me Atletico Madrid, Liverpool dhe Porto.
Në lidhje me shortin ka folur ish-lojtari dhe njëkohësiht ambasadori i klubit, Franco Baresi që ishte i pranishëm edhe gjatë hedhjes së shortit.
“E dinim se duke qenë në vazon e katërt rrezikonim të kishim rivalë të fortë. Gjithashtu, e dinim se do të na nevojitej pak fat për të pasur një grup më të lehtë, por Champions-i ka ekipe të forta dhe ne pranojmë vendimin e goglave. Do të jetë e vështirë pa diskutim, por Milani nuk duhet të harrojë në asnjë mënyrë historinë. Jemi rikthyer në Champions dhe do t’i përballim sfidat tona me entuziazëm. Sigurisht që niveli i rivaleve është i artë, por ka ardhur momenti që ta shijojmë. Djemtë dhe e gjithë skuadra do të kenë dëshirë për të lënë gjurmë pozitive.
Atletiko është gjithmonë një skuadër e vështirë për t’u mundur, ndërsa Liverpuli është i fortë dhe ka cilësi. Edhe Portoja ka armët e saj. Për shumë nga djemtë tanë do të jetë hera e parë në Champions. Janë të rinj dhe janë rritur në sezonet e fundit, por lideri duhet të jetë loja dhe grupi. Milani me Piolin ka treguar futboll të bukur dhe ofensiv, ndaj nuk duhet të humbasim cilësitë tona’’, ka thënë Baresi për mediat pas hedhjes së shortit.
Hidhet shorti i Champions League, përballje gjigantësh në fazën e grupeve
