Ronaldo është larguar nga skuadra e Juventusit pas tre sezonesh. Këtë gjë e ka konfirmuar edhe trajneri i bardhezinjve, Allegri i cili ka deklaruar se portugezi tashmë është përshëndetur me shokët e skuadrës.
U duk se ardhmja e Ronaldos do të ishte me Man City-n, por në orët e fundit gjithçka ka ndryshuar. Ashtu siç raportojnë mediat e huaja, Man Utd është futur fuqishëm në garë për sulmuesin, ndërsa rivalët e tyre, City janë tërhequr nga ideja për të nënshkruar me të.
Një gjë të tillë e ka konfirmuar edhe gazetari Fabrizio Romano, sipas të cilit “Djajtë e Kuq” kanë qenë në kontakt me agjentin e portugezit Jorge Mendes për një rikthim të klientit të tij në “Old Trafford”.
Tani bordi i gjiganti anglez është duke përgatitur ofertën zyrtare në drejtim të Juventusit dhe futbollistit.
https://twitter.com/FabrizioRomano/status/1431248252968505346?s=20
https://twitter.com/FabrizioRomano/status/1431249571028652033?s=20
