Sadat Fejza është arrestuar nga Policia e Kosovës, pasi dyshohet se ka ushtruar dhunë ndaj të shoqes.
Sipas mediave kosovare mësohet se pasi fotografia dhe të dhënat e tij u bënë publike ai është shprehur se e gjitha ka ndodhur pas disa mosmarrëveshjeve që ka pasur me bashkëshorten.
Ndërsa, sa i përket dhunës që ushtroi ndaj gruas, Fejza u justifikua duke thënë se nuk i ka bërë asgjë vetëm “dy-tri shuplaka”.
Teksa shtoi se nuk quhet dhunim nëse gruaja është e kurorëzuar.
“Kush e dhunon gruan e kurorëzume, këtë mbane mend. Para një jave ka ndodhë disa mosmarrëveshje, ja kom jep nashta nja dy tri shuplaka, jo më shumë. Edhe dikush e ka lajmëru Policinë. Mu shumë më njohin, kom qenë drejtor i televizionit Dardania”, tha ai.
Ai tregoi se ky rast ka ndodhur më 9 gusht në fshatin Mogillë komuna Kllokot
“Duhet me sqaru këtë lajm. Unë në Kosovë jom. Fjala dhunim është shumë e madhe. Unë jom në bashkbisedim edhe me Policinë. Gruaja është dërguar në qendrën sociale”, shtoi ai.
