Shteti Islamik ka marrë përgjegjësinë për sulmin në afërsi të Aeroportit në Kabul, ku ndër të tjera janë vrarë edhe 12 marinsa amerikanë.
IS ka postuar lajmin në rrjetin e tyre të informimit, të quajtur Telegram.
Grupi ka thënë se një sulmues vetëvrasës ka aktivizuar një jelek shpërthyes, në mesin e forcave amerikane dhe afganëve.
Zyrtarët amerikanë të Mbrojtjes kanë thënë gjithashtu se ata besojnë se militantët rajonalë të ISIS, ISIS-K janë prapa bombardimit.
Nga shpërthimi raportohet se kanë humbur jetën të paktën 60 persona, 12 prej të cilëve janë ushtarë amerikanë.
