Ndeshjet e djeshme në Ligën e Kampioneve kanë caktuar përfundimisht edhe 32 ekipet që do të vazhdojnë në fazën në grupe të turneut më të famshëm për klube në Europe. Salsburgu mundi 2-1 Brondbin dhe kaloi në turin tjetër, ndërsa Sherif Tiraspolit i mjaftoi barazimi 0-0 me Dinamo Zagreb, pasi e kishte mposhtur me rezultatin 3-0 në duelin e parë.
Sfida më interesante ishte ajo e Shakhtar Donjeck me Monako, ku në fund triumfuan ukrainasit të cilët mbyllën sfidën në barazimin 2-2 në shtesë falë autogolit të Aguilar në minutën e 114-të, pasi kishin triumfuar 1-0 në sfidën e parë. Kjo ka mundësuar edhe pozicionimin përfundimtar të skuadrave në vazo për shortin që hidhet këtë të enjte në ceremoninë e orës 18:00.
NDARJA NË VAZO
VAZO 1: Çelsi, Vijareal, Atletiko Madrid, Mançester Siti, Bajern Mynih, Inter, Lilë, Sporting Lisbonë
VAZO 2: Real Madrid, Barcelona, Juventus, Mançester Junajtid, PSG, Liverpul, Sevilja, Borusia Dortmund
VAZO 3: Porto, Ajaks, Shakhtar Donjetck, Lajpcig, RB Salcburg, Benfika, Atalanta, Zenit
VAZO 4: Beshiktash, Dinamo Kiev, Klub Bryzh, Jang Bojz, Milan, Malmo, Volfsburg, Sherif Tiraspol
