Një aksident ka ndodhur në rrugën Sarandë-Gjirokastër, rreth orës 15:00, ku një automjet tip furgon në të cilën ndodheshin disa persona, ka rënë në kanal. Sipas raportimeve mediatike, 5 persona kanë humbur jetën. Por ende nuk ka një konfirmim nga policia.
Në pamjet e publikuara në media, shihet se mjeti ka rënë në kanal, ndërkohë një grup njerëzish përpiqeshin të nxirrnin personat e bllokuar brenda automjetit.
Aksidenti tragjik ka ndodhur rreth orës 15:00, në vendin e quajtur Qafë Muzinë. Raportohet se furgoni ishte nisur nga Saranda për në Gjirokastër.
Raportohet se brenda automjetit nuk kishte fëmijë por vetëm të rritur, dhe që nuk ishin të një familje.
