Një ngjarje makabre ka ndodhur në Zambia. Mësohet se një ritual i ka marrë jetën pastorit James Sakara. Mediat ndërkombëtare shkruajnë se viktima e konsideronte veten profet dhe u ka kërkuar anëtarëve të kishës që ta groposnin dhe pas ditës të riktheheshin që ta merrnin, duke pretenduar se do jetë gjallë.
Por nuk ndodhi kështu. Miqtë e nxorrën nga varri pa shenje jete dhe përpjekjet e tyre për ta rikthyer në jetë nuk funksionuan. Pas kësaj ngjarje, ka ndërhyrë policia, duke arrestuar një person, që bëri ritualin, ndërsa janë shpallur në kërkim dy të tjerë.
Ndërkohë e shkuara e pastorit nuk ishte aq e bardhë. Ai thuhet se ka lënë shtatzënë një vajzë të re në zonë, por nuk dihen shumë detaje lidhur me këtë çështje.
