Pas fitores me rezultatin 0-8 në fazën e 1/32-ve të Kupës së Anglisë ndaj Njuportit e cila militon në kategorinë e katërt të Anglisë, trajneri i Sauthemptonit Ralf Hasenfutëll u shpreh pas ndeshjes për mediat se kjo ishte një fitore e merituar dhe se sulmuesi i Kombëtares shqiptare, Armando Broja i cili realizoi një dopietë në debutim me skuadrën e Premier Ligës bëri një punë të shkëlqyer:
“Ishte një fitore e merituar. Ishte një paraqitje serioze që nga minuta e parë, kjo është ajo që ju nevojitet kundër një klubi të ligës më të ulët. Për të arritur kaq herët duke shënuar tre gola na lejuan të shtyjmë dhe ta mbajmë ritmin e lartë, atëherë ne mund të realizonim shumë gola të tjerë”.
“Ne e menaxhuam sfidën mjaft mirë, shumë ekipe kanë patur vështirësi këtu në të kaluarën. Broja bëri një punë të shkëlqyer. Kishim nevojë për golashënues të ndryshëm”, përfundoi trajneri i Sauthemptonit, Ralf Hasenfutëll.
